Isang gṳro sa Presentacion, Camarines Sur ang pumanaw matapos matuklaw ng isang cobra sa kanilang bakuran. Ayon sa ulat ng DZRH Naga, ang gṳro, na nagtuturo sa elementarya, ay nakarinig ng ingay mula sa kanyang dalawang alagang aso kaya’t minabuti niyang dalhan ng pagkain ang mga ito.
Sa hindi inaasahang pangyayari, biglang tinuklaw ng isang cobra ang gṳro. Agad naman siyang isinugod sa pinakamalapit na pagamutan ngunit kinumpirma ng ospital na walang available na anti-venom vaccine sa mga oras na iyon.
Dahil dito, hindi naisalba ang buhay ng gṳro, pati na rin ang kanyang dalawang aso na natuklaw din ng naturang ahas. Napatay naman ng mga rumespondeng kapitbahay ang cobra, subalit huli na ang lahat para sa gṳro at sa kanyang mga alaga.
Ang insidente ay nagdulot ng labis na kalungkutan sa komunidad kung saan kilala ang gṳro bilang masipag at mapagmahal sa kanyang trabaho at mga alagang hayop.
Ang pagkakaroon ng sapat na suplay ng anti-venom sa mga komunidad, lalo na sa mga lugar na malapit sa kagubatan o kanayunan, ay napakahalaga upang maiwasan ang mga trahedyang dulot ng tuklaw ng makamandag na ahas tulad ng cobra. Sa Pilipinas, maraming lugar ang itinuturing na “snake-prone” dahil sa malawak na kagubatan at bukirin, kaya’t mataas ang panganib na matuklaw ng ahas ang mga residente, lalo na ang mga magsasaka, manggagawa, at mga simpleng mamamayan.
0 Comments